Иако купуваме разни средства за миризлива и чиста WC школка, ја мачкаме и ставаме некои препарати, најчесто е премачкана со бигор и никогаш не е доволно чиста.
На ова можете да ставите крај со помош на водород пероксид и амонијак, кои можете да ги купите во аптека.
Водород пероксидот е познат како третман за исекотини и рани, но може да биде и одлично средство за чистење, бидејќи ги уништува бактериите, мувлата и лошите мириси поради неговите антигабични и антимикробни својства. Може да се користи за чистење садови, теписи и плочки; белење на домашен текстил и постелнина и отстранување на бигор од мијалници, кади и тоалетни шолји.
Делува на ‘рѓа, бигор
Амонијакот, од друга страна, е силен чистач за домаќинството бидејќи ги отстранува маснотиите и маслото со разградување на клеточните протеини. Многу производи за чистење го содржат, а бидејќи хемикалиите за домаќинство не се евтини и брзо се трошат, со комбинирање на овие два производи можете да направите свој, уште поефикасно и поевтино.
Состојки
100 ml амонијак (10 проценти)
100 ml водород пероксид (3 проценти)
Земете пластично шише со спреј или стаклен сад, исплакнете го со проточна вода и избришете го со сува хартиена крпа. Пред да истурите амонијак во шишето, ставете гумени ракавици, маска и по можност заштитни очила. Додадете го водород пероксидот во амонијакот во тенок млаз. Измешајте сè со нежно и внимателно тресење на шишето.
Нанесете ја смесата на ‘рѓата и бигорот (или нанесете ја на чиста сува крпа и ставете ја на ‘рѓата) и оставете ја 10-15 минути. Измијте сè темелно со вода. Задолжителни се добра вентилација и маска.
