Интензитетот на сообраќај на патните правци надвор од градските средини е зголемен.
На Граничниот премин Табановце за влез и Богородица за излез од државата се бележи зголемена фреквенција на возила, времето на чекање е околу 30 минути, објави АМСМ.
На останатите гранични премини од македонска страна, нема поголеми задржувања за влез и излез од државата.
Автомотосојузот препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
