Христијан Мицкоски уште еднаш покажува дека е деструктивен политичар, кој прави се да ја оддалечи државата од ЕУ, велат од СДСМ во партиско соопштение.
-Секој што работи на блокирање на европската иднина на земјава работи против стратешкиот интерес за членство во ЕУ и против самата Европска Унија. Секој што дејствува против стратешката цел за членство во ЕУ, работи и против македонскиот јазик во ЕУ. Мицкоски го прави токму тоа и на тој начин работи и против подобар животен стандард, повисок економски раст, повисоки плати и пристап до ново европски фондови, велат од СДСМ.
Од СДСМ додаваат дека Мицкоски одработува за туѓи интереси и против ЕУ и дека тоа е поразително за него и за неговата партија.
