Локацијата на Авто кампот “Отешево” е вистински природен благодет, претставува еколошки ентитет, такаречи “органски” простор за одмор и рекреација сместен на самиот западен брег на Преспанското Езеро, опкружен со планини и шуми кои имаат единствени, уникатни карактеристики. Од височините на Галичица струењето на беспрекорно чистиот воздух што го има само тука и никаде на друго место, го прави Отешево единствена воздушна бања со долга туристичка традиција.
На надморска височина од 855 метри, Отешево има блага, здрава, медитеранска клима – вистинско прибежиште за луѓе од сите возрасти кои сакаат да уживаат и да се рекреираат во единствениот спој на езеро, небо и планина што го нуди Преспа.
Природната убавина под пазувите на Галичица ве опива и релаксира, не ве остава рамнодушни, ако еднаш го посетите ова место, тогаш верувајте дека повторно и повторно ќе доаѓате тука да ги полните ‘батериите’.
Во Авто-кампот “Отешево”, за одмор може да користите вили-бунгалови, камп-приколки, авто-приколки и шатори, со можност на користење на сите видови камперски услуги, и тоа по мошне популарни цени.
Instagram: https://www.instagram.com/autocampotesevo/
