ЦУК, како што информираше утрово, според известувањето од УХМР за денеска (05.07.2023 година) дека ќе биде променливо облачно, на повеќе места нестабилно со пороен дожд, грмежи и засилен ветер, дополнува дека: Локално процесите ќе бидат во форма на невреме со интензивен пороен дожд, грмежи, силен ветер и појава на град.
За Скопје прогнозата е дека ќе биде променливо облачно и нестабилно со пороен дожд, грмежи и засилен ветер. Конкретно, во делови од скопската котлина ќе има услови за краткотрајно невреме со интензивен пороен дожд, грмежи, силен ветер и појава на град.
Во деновите од викендот ќе дува засилен ветер, долж Повардарието и во источните делови повремено силен ветер од северен правец (над 60 km/h) што ќе услови намалување на дневната температура. Од понеделник дневните температури, од УХМР предвидуваат дека ќе бидат во позначителен пораст.
