Центарот за управување со кризи, по добиена пријава на Единствениот број за итни ситуации 112 за свлечиште – лизгање на земјиште на пат, преку Регионалниот ЦУК Охрид презеде координативни активности за отстранување на опасноста.
Конкретно, по пријавата во ЦУК дека на локалниот патен правец за селата Иванчишта и Ехлоец – Кичево има лизгање на земјиште, што претставува опасност за сообраќајот, иако патот бил прооден, Секторот за операции и координација на ЦУК, преку регионалните локални центри на ЦУК, веднаш го известил Јавното претпријатие за одржување и заштита на магистрални и регионални патишта и ЕЛС, по што екипа од претпријатието е на терен за санирање на патот.
