18. октомври 2025
Centar.mk – Вести, бизнис, забава, спорт…
МАКЕДОНИЈАвест

ВМРО-ДПМНЕ сака да гради национално единство, а организира паралелна прослава на Свети Кирил и Методиј

Централната прослава за одбележувањето на денот на светите просветители Кирил и Методиј вчера се одржа во Охрид, а таму, иако поканети, не учествуваа од опозициската ВМРО-ДПМНЕ кои го искористија и овој момент да создадат раздор во македонското општество организирајќи паралелна прослава во Битола.

На настанот во Охрид присуствуваа претставници од владиниот и државниот врв, од дипломатскиот кор, претставници од областа на политиката, образованието, науката, културата, како и од други општествени сфери. Централниот настан се одржа на Плаошник, каде што е основан и дејствувал првиот словенски универзитет, Охридската книжевна школа, чијшто основач е еден од учениците на Светите Браќа Кирил и Методиј, Свети Климент Охридски.

Сепак, ВМРО-ДПМНЕ дури и на овој ден не покажа чувство за државност и заедништво, па наместо тоа организираше своја партиска прослава. На овој начин Мицкоски и опозицијата покажаа дека нивните лични и партиски интереси се пред националните и државните.

Со ваквиот потег во вода паѓаат сите повици на Мицкоски и ВМРО-ДПМНЕ за единство, бидејќи очигледно партискиот рејтинг им е поважен од националното чествување на сесловенските просветители.

Оваа не е прво вакво однесување на опозициската ВМРО-ДПМНЕ, кои во годините откако не се на власт ги избегнуваат сите државни прослави. Наместо на централните прослави за одбележување на Илинден, и организираат свои паралелни, партиски настани, каков што е примерот со Илинден, но и за чествувањето на најголемите македонски дејци како Гоце Делчев.

Можеби ќе ве интересира

ДИК поништи цела советничка листа на партија номинирана за Град Скопје поради починато лице

ДЕСК

Претрес во село во општина Чашка поради сомнение за поткуп при избори

ДЕСК

ЌЕ СЕ ПЕЧАТАТ НОВИ ЛИВЧИЊА: Погрешно распоредени бројчина на гласачките ливчиња во Ново Село привремено го стопираа гласањето

ДЕСК