Со пиштол им се заканувал на жена и на нејзината ќерка, уапсен маж во Бор

Полицијата во Бор го приведе нивниот сограѓанин С.С.(34) поради сомнение дека сторил кривично дело загрозување на сигурноста.

Тој се сомничи дека вчера со пиштол замавнувал и се заканувал кон жена (37) и нејзината ќерка (14) низ прозорец од возило „фиат“.

Полицијата соопшти дека по наредба на судијата за претходна постапка, извршен е претрес во станот и наведеното возило сопственост на С.С. каде во возилото бил пронајден пластичен пиштол.

Осомничениот е приведен и ќе биде изведен пред обвинителството.