Денеска со гордост и крената глава можеме да ги погледнеме граѓаните и отворено да зборуваме со нив, рече заменик претседателката на СДСМ, Сања Лукаревска на трибината ‘Резултати што прават разлика’.
-На овие трибини ќе зборуваме за резултатите, ќе направиме евалуација на она што досега го имаме реализирано од Програмата, но низ разговори и дебати со граѓаните, заедно ќе барање нови решенија што ќе бидат дел од следната наша Програма за 2024 година. Ова го правиме во период кој е клучен за нашата држава, за нашата европска иднина и иднината на нашите граѓани. И не случајно започнуваме со секторот Енергетика, кажа Лукаревска.
Сооред неа токму на полето на енергетиката власта бележи сериозни резултати и тоа во година на светска енергетска криза, во период кога црните и катастрофални сценарија за енергетски колапс, за реструкции и поскапувања беа секојдневие.
-Ние, успешно се справивме со сите предизвици од енергетската криза а на кој начин тоа го постигнавме и кои се следните чекори, многу повеќе ќе кажат говорниците присутни денеска на оваа трибина. Ние не бегаме од проблемите, ние нудиме решнија и имаме резултат. А тоа е голема разлика. Додека ВМРО-ДПМНЕ и нивниот партнер Левица прават се за да го закочат напредокот на државата, ние во СДСМ работиме посветени за интересите на граѓаните и државата. Додека тие шират лажни вести и дезинформации, ние преземаме конкретни мерки и акции. Затоа што СДСМ секогаш била со и за граѓаните и така ќе продолжи и понатаму. Остануваме рамо до рамо со граѓаните, продолжуваме да испорачуваме резултати што прават разлика, потенцира Лукаревска.
НАЈЧИТАНО НА ИНТЕРНЕТ...
