Започна Заедничката операција под закрила на Агенцијата за европска гранична и крајбрежна стража ФРОНТЕКС со соработка со македонската полиција, откако Договорот беше ратификуван од страна на парламентарното мнозинство предводено од СДСМ, се вели во соопштението на СДСМ.
Договорот со ФРОНТЕКС е прв договор потпишан со ЕУ на официјален македонски јазик, со чиста формулација, без додавки и фусноти, каде нашиот македонски јазик е рамноправен со сите останати јазици на ЕУ. Со тоа и официјално пропаднаа сите лаги и хистерии што ВМРО-ДПМНЕ и Левица ги пласираа за наводно бришење и загрозување на македонскиот јазик. Нема никава бугаризација, ниту асимилација како што лажеа Христијан Мицкоски и ВМРО-ДПМНЕ, додаваат од СДСМ во соопштението.
Напротив, велат од СДСМ, има признавање на македонскиот официјален јазик и напредок во евроинтеграциите, а овој Договор е дополнителна заштита на нашите граници, на нашиот територијален интегритет и додаваат деа благодарение на храбрите и државнички одлуки на СДСМ и коалицијата, денес Македонија е препознаена како земја – фактор на стабилност во регионот, кредибилен партнер во одржувањето на мирот и безбедноста.
