Пристигна Светиот Благодатен Оган во престолнината на нашата земја. Со христијанска радост му го предаваме на Архиепископот Охридски и Македонски г.г. Стефан, а свештениците ќе го однесат ширум храмовите низ татковината, соопшти министерот за внатрешни работи Оливер Спасовски.
– Точно 15 години откако по иницијатива и заложби на Свештената Бигорска Обител, Благодатниот Оган за првпат на Света Пасха беше донесен во Македонија од Грција. Во оваа прилика изразувам искрена благодарност до бигорското братство за спознавањето на македонскиот народ со ова постојано Божјо чудо.
Нека секој православен храм одѕвонува со радост ширејќи ја веста за Воскресението на Спасителот Господ Исус Христос меѓу верниците, како суштина на христијанството!
Нека се благословени сите граѓани на Република Северна Македонија!, рече Спасовски.
