По завршените проверки утврдено е дека денешните пријави за наводно поставени експлозивни направи во скопските училишта се лажни.
Од МВР информираа дека дојави за бомби имало во 23 средни и 22 основни образовни институции.
„Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави“, велат од полицијата.
Дојави за бомби имаше и во претходните денови, а наставата на учениците додека траат проверките се одвива онлајн.
