Најмлада популација во регионот има Албанија со просечна возраст од 38 години и Црна Гора со 39,4 години.
Според податоците на „Евростат“, најстари граѓани во регионот се Грција и Хрватска, со просек од 46,1, односно 45,4 години.
Во Бугарија просечната возраст е 45,1 години, во Србија – 44,1 години и во Македонија – 41,1 година.
Просечната возраст на населението во ЕУ минатата година беше 44,4 години, што е зголемување од 2,5 години во споредба со 2012 година, соопшти „Евростат“.
Кипар има најмладо население во ЕУ, со просек од 38 години, а Португалија (46,8) и Италија (48) имаат најстари.
Во периодот од 2012 до 2022 година средната возраст на населението се зголеми во сите земји членки на ЕУ, освен во Шведска, каде што се намали од 40,8 на 40,7 години.
ПОПУЛАРНО НА ИНТЕРНЕТ...
