19. септември 2025
Centar.mk – Вести, бизнис, забава, спорт…
СТЕФАН БОГОЕВ/ STEFAN BOGOEV
МАКЕДОНИЈАвест

Богоев: СДСМ е на линија со изјавата на Пендаровски за забрана на влез на Џамбаски во земјава

„Верувам дека сите се почувствуваа непријатно по настаните и изјавите кои ги даваше Џамбаски со неговата група при одбележувањето на Мара Бунева. Во таа насока логична е реакцијата на претседателот Стево Пендаровски и тоа што го презентираше на Советот за безбедност“ изјави потпретседателот на СДСМ, Стефан Богоев во „Топ тема“ на Телма.

Тој додаде дека СДСМ генерално е на иста линија со тоа што го кажа претседателот Пендаровски, дека треба да се забрани влез за европратеникот во земјава.

„Ќе видиме како тоа ќе резултира, конечната одлука треба да ја донесе Владата“ рече Богоев.

Претседателот Пендаровски по седницата на Советот за безбедност ѝ предложи на Владата да им забрани влез во земјава на еден европратеник, кого не го именуваше и на уште неколку бугарски државјани.

Можеби ќе ве интересира

Ацевски го претстави тимот што ќе се бори за хуман развој на општина Ѓорче Петров

C +

СДСМ: Тошковски да поднесе оставка, партизираното МВР не ги штити животите на луѓето

C +

Два активни пожари во Гази Баба и Гевгелија, под контрола пожарот во „Дрисла“

C +