СДСМ во Град Скопје ниту гледа сеир, ниту е во тајна коалиција со Данела Арсовска, порача потпртеседателот на СДСМ, Стефан Богоев во емисијата „Топ Тема“ на Телма телевизија.
„СДСМ е една од најактивните советнички групи во Град Скопје, предлагавме решенија, предлагавме решение и за проблемот со јавните претпријатија, кои ние први го најавуваме дека ќе се случи, но слухот од претседателот на Совет Трајко Славески од ВМРО-ДПМНЕ, мнозинството од ВМРО-ДПМНЕ и Данела Арсовска градоначалничка поддржана и промовирана од ВМРО-ДПМНЕ е речиси никаков за нашите барања“ истакна Богоев.
Потпретседателот Богоев посочи дека сето она што се случува во Град Скопје е само потсетник за тоа што значи ВМРО-ДПМНЕ да биде власт.
„Ако граѓаните заборавиле како 11 години ВМРО-ДПМНЕ владееше, еве го Град Скопје, црно на бело да се потсетат што значи ВМРО-ДПМНЕ на власт. Раце во мед, кавги за тендери, партиски вработувања додека градот стагнира, тоа значи ВМРО-ДПМНЕ на власт“ порача Богоев.
ПОПУЛАРНО НА ИНТЕРНЕТ...
