Тигрите го пронајдоа телото на жената од велешко што се фрли во Вардар

Денеска специјалците од полициската единица Тигри во реката Вардар го пронајдоа и извадија телото на жената што се фрли во реката кај Велес. Педесет и петгодишната жена нешто после полноќ на 31 декември се фрли од Малото Мовче во реката Вардар во Велес.

Во 2 часот по полноќ, 62-годишниот Д.М од Скопје пријавил во СВР Велес дека од домот се оддалечила неговата 55-годишна сестра М.К од велешкото село Сојаклари.

Од полицијата потврдуваат дека е извадено женско тело од реката Вардар и се преземаат мерки за расчистување на случајот.