Од оваа недела Илон Маск повеќе не е најбогатиот човек на светот. Тој статус сега му припаѓа на Французинот Бернар Арно (73), претседател и извршен директор на компанијата LVMH, според „Форбс“ и „Блумберг њуз“.
Ова е првпат сопственикот на Tesla и SpaceX да падне од врвот на рангирањето откако го престигна основачот на Amazon, Џеф Безос, како најбогат човек во септември 2021 година.
Богатството на 51-годишниот Маск во голема мера е поврзано со цената на акцијата на Tesla, која изгуби повеќе од половина од својата вредност од јануари, а падот се зголеми само по купувањето на Twitter од 44 милијарди долари од Маск.
Нето-вредноста на Арно сега изнесува 190,1 милијарди долари, а нето-вредноста на Маск е 181,3 милијарда долари, според „Форбс“.
И покрај загубите, Маск е многу пред третопласираниот индиски милијардер Гаутам Адани, кој има вредност од 135 милијарди долари, и основачот на Amazon, Џеф Безос, чие богатство се проценува на 113,1 милијарди долари.
ПОПУЛАРНО НА ИНТЕРНЕТ...
