Од вечерва врнежи од дожд и снег

Под влијание на влажен и студен бран кон крајот на денов и во текот на ноќта во западните и северните делови ќе има локални врнежи од дожд, а на планините од снег. Поради заладувањето се очекува врнежите од дожд да преминат во снег и во некои од пониските места. Утре во текот на денот врнежите ќе престанат, а нови врнежи од дожд, а на планините од снег ќе има кон крајот на денот и во текот на ноќта кон четврток.

Во западните делови врнежите ќе бидат пообилни

Во Скопската Котлина во текот на ноќва ќе има повремен слаб дожд, а во повисоките делови од котлината врнежите ќе преминат во слаб снег. Нови врнежи од дожд ќе има утре кон крајот на денот и во текот на ноќта кон четврток.