Телешкиот гулаш е јадење на кое ретко кој може да одолее. Вкусно и фино јадење со ориз, тестенини или компири е совршениот ручек.
Состојки за четири лица:
- 1 кг телешко месо
- 200 гр црвен кромид
- 4 vk растително масло
- 1 vk слатка црвена пиперка
- 750 мл говедска супа
- 1/2 лимон
- 125 гр кисела павлака
- 1 vk брашно
Подготовка:
Телешкото месо исечкајте го на коцки по желба. Исчистете го кромидот и ситно исечкајте го. Во длабока тава загрејте го маслото, додадете го кромидот и кратко пропржете.
Додадете ја црвената пиперка, измешајте и веднаш покријте со малку ладна вода. Сега додадете го телешкото месо и динстајте додека не испари течноста што ја ослободува месото. Посипете со топла говедска супа, додадете го сокот и ренданата кора од 1/2 лимон и варете покриено на тивок оган околу час и половина.
Одвреме-навреме погледнете и по желба додајте уште малку топла вода. Пробајте дали месото е сварено, па продолжете да готвите и додајте вода додека да омекне, па посолете и побиберете по вкус.
Следен чекор: Извадете го месото во чинија, па во тенџерето додајте павлака и брашно и убаво измешајте го со жица за да нема грутчиња. Оставете да се вари 10-15 минути, вратете го месото и варете уште малку.
Послужете по желба и уживајте!
фото Pixabay
