Centar.mk – Вести, бизнис, забава, спорт…
+БизнисВо тренд...

Берлин очекува партнерите да ги поддржат „Ограничете ја цената на руската нафта има за цел да избегне недостиг“

Германија се надева дека нејзините меѓународни партнери ќе ја почитуваат границата на цената на руската нафта, без формално да бидат дел од неа, изјави денеска германската министерка за надворешни работи Аналена Бербок.

Ограничувањето на цената на руската нафта има за цел да се избегне недостиг, како и зголемување на цените за земјите кои зависат од руската нафта. Партнерите можат да го поддржат ова без формално да бидат дел со тоа што купуваат нафта под зацртаниот лимит – рече Бербокова во пресрет на нејзината посета на Индија.

На прашањето дали планира да го допре растечкиот увоз на руска нафта во Индија за време на претстојниот состанок со нејзиниот индиски колега, Бербокова рече дека Германија е свесна дека многу земји имаат различни економски ограничувања, но силно ги охрабрува своите партнери да се приклучат на санкциите против Москва.

ЕУ постигна договор за одредување на горната граница на цената на руската нафта на 60 долари за барел. Лимитот ќе се ревидира на секои два месеци за да остане на пет проценти под реперот на Меѓународната агенција за енергетика.

Земјите од Г7 и Австралија исто така се договорија да постават горна граница на цената на нафтата од Русија на 60 долари.