Centar.mk – Вести, бизнис, забава, спорт…
CentarМакедонија

Ковачевски со убава вест од Кочани: Пензионерите ќе бидат почитувани, ново зголемување од март

Претседателот на СДСМ, Димитар Ковачевски на вечерашната трибина „Силно и одлучно кон иднината“ во Кочани истакна дека енергетскиот систем е стабилен, а антикризните мерки и економските политики даваат резултат. Со нив, како што додаде, им се помога и на граѓаните и на бизнисите.

-Цената на електрична енергија за сите домаќинства во сиот овој изминат период ја субвенционираме со 80%. Да не е таа субвенција 600.000 домаќинства, секој од нас, сега ќе плаќаше пет пати поголеми сметки за струја. Ја субвенционираме електричната енергија и за сите мали и средни претпријатија, 72.000 компании во кои работат најголем дел од работниците во државата исто добиваат поевтина струја. Обезбедивме и топли училници во сите 500 училишта, преку фиксна и далеку пониска цена на струјата од онаа на берзата, а истото тоа го сторивме и со здравствените установи, рече Ковачевски.

Тој додаде дека за да им се помогне на граѓаните и на компании, обезбедена е фиксна цена и на струјата за фирмите производители на основните прехранбени продукти.

-Таа мерка вродува со плод – цените на храната почнаа да паѓаат, се намали цената на лебот, очекуваме да се намалат цените на брашното, месото, млекото, и другите основни производи за 10%, посочи Ковачевски.

Претседателот на СДСМ, во оваа насока потсети дека минималната плата уште во првите сто дена е зголемена на 18.000 денари, а пензиите за сите 330.000 пензионери се зголемени двапати.

-Со новата методологија, до март 2023 година пензиите ќе бидат зголемени за 16%. Во една календарска година тоа е најголемото зголемување на пензиите во историјата на нашата држава за сите пензионери. Јас реков неколку пати и овде ќе повторам пениознерите ќе бидат почитувани, ќе бидат чувани за тоа што тоа се нашите родители, тоа се наши татковци и мајки, баби и дедовци кои ни ја створиле ова држава. Сите сме нивни деца, истакна Ковачевски.

Можеби ќе ве интересира…

  • Biznispro.com
  • Вести +
  • Жена
Ова се сите неработни денови за новогодишните и божикните празници во 2023 година

Со доаѓањето на крајот на старата 2022 година, многумина се прашуваат кои се неработните денови кои следат во декември и јануари со цел да си го испланираат слободното и празнично… Прочитај повеќе

Зеленски: Не му дозволуваме на непријателот да ги исполни своите намери, Русија бележи големи загуби

Украинскиот претседател Володимир Зеленски (Зеленски) зборуваше во ново видео обраќање во кое изјави дека ситуацијата на фронтот е многу тешка. – И покрај екстремно големите руски загуби, окупаторите се обидуваат… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе