Centar.mk – Вести, бизнис, забава, спорт…
+Македонија

Џафери – Филипиду: Со преспанскиот договор има продлабочување на односите

Претседателот на Собранието, Талат Џафери, денеска оствари среда со новоименуваната амбасадорка на Хеленската Република во Република Северна Македонија, Софија Филипиду.

Џафери, упатувајќи честитки за именувањето на функцијата и посакувајќи и успех во нејзината работа, изрази очекување за продолжување на континуитетот на соработката со Амбасадата во Скопје. Преземените чекори од двете влади во изминатите години овозможија поинтензивна билатерална соработка, вклучително и наше членство во Јадранско-јонската инцијатива, како и членство во НАТО. Во тие рамки зајакната е и институционалната соработка на полето на одбраната во однос на заштитата на воздушниот простор на Република Северна Македонија. На средбата стана збор и за поактивната иницијатива од наша страна за реализација на билатерални посети на сите нивоа, вклучително и на ниво на претседатели на парламенти, како и за напредокот на полето на евроинтеграциите и претстојните активности со кои ќе се овозможи отворање на кластерите и поглавјата во процесот на преговори за членство во ЕУ.

Амбасадорката Филипиду срдечно се заблагодари за реализацијата на средбата изразувајќи согласност дека со преспанскиот договор има продлабочување на односите, но секогаш постои можност за понатамошна динамизација и внесување дополнителна енергија во неговата имплементација. Важен сегмент од оваа соработка е унапредувањето на парламентарната димензија и размената на искуства меѓу парламентарците за прашања од заемен интерес. Од нејзина страна беше повторен официјалниот државен став за целосна поддршка на Република Северна Македонија за членство во ЕУ и обезбедување помош и експертиза во текот на овој процес, како и поддршката од грчката влада за справување со енергетската криза.

Соговорниците беа согласни дека заедничката соработка и помош за украинскиот народ и институции во рамките на НАТО треба да продолжи, а потенцијалите во доменот на економијата, инфраструктурата и туризмот треба соодветно да се искористат од страна на двете држави.

Можеби ќе ве интересира…

  • Biznispro.com
  • Вести +
  • Жена
Падна рекордна седумка на Лото во Кичево – среќникот ќе се офајди со 500.000 евра

Во Кичево вечерва се падна рекордната Лото добивка од 32.921.304 денари или околу 500.000 евра. Засега нема информации за идентитетот на добитникот, но од она што се знае лото ливчето… Прочитај повеќе

Ковачевски до Мицкоски: Не е храборст да се криеш зад Апасиев и да бараш предвремени избори затоа што си уплашен

Христијан Мицкоски и Димитар Апасиев се совршена комбинација за хаос и деструкција, порача вечерва претседателот Димитар Ковачевски на граѓанската трибина „Силно и одлучно кон иднината“ во Куманово. Ковачевски истакна дека… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе