Centar.mk – Вести, бизнис, забава, спорт…
+Македонија

Маричиќ: Заемната соработка со Албанија ќе го направи процесот на преговори со ЕУ поефикасен и побрз за двете земји

Заменик претседателот на Владата задолжен за европски прашања, Бојан Маричиќ заедно со главната преговарачка со ЕУ за Република Албанија, Мајлинда Дука потпиша Меморандумот за соработка за прашањата поврзани со интеграцијата во Европската Унија, во рамки на втората меѓувладина седница на Македонија и Албанија, која се одржа денес во Скопје.

– Со Република Албанија остануваме и понатаму во евроинтегративниот процес давајќи несебична поддршка едни на други, и на политичко и на техничко ниво. Работиме заедно и имаме видлив степен на соработка и блискост и помеѓу нашите тимови на експертско ниво, кога сме во Брисел. Денеска го официјализираме тоа што го разговаравме на последната средба со мојата колешка Мајлинда Дука, посочи вицепремиерот Маричиќ.
Според него, Меморандумот за соработка за прашањата поврзани со интеграцијата во Европската Унија е инструмент за институционализирање на соработката помеѓу Северна Македонија и Албанија кој ќе им помогне на двете земји подобро да се подготват за пристапување во Европската Унија како полноправни членки.

Вицепремиерот Маричиќ смета дека Меморандумот ќе помогне во идентификувањето области каде двете земји ќе градат заеднички ставови и ќе бараат заеднички место на масата со земјите членки за процеси кои ги засегнуваат. Меморандумот исто така овозможува, преку размена на знаења, информации, искуства, практики, државни службеници, организирање на заеднички настани, консултации, иницијативи, и преку воспоставување на постапки за координација и редовни состаноци, да се направи процесот на пристапни преговори полесен, поефикасен и побрз.
Маричиќ и Дука се согласија дека ова е уште еден чекор напред кон зајакнување на меѓусебната веќе блиска соработка, и дополнително придонесува кон развојот на пријателските и добрососедските односи меѓу двете земји.

Можеби ќе ве интересира…

  • Biznispro.com
  • Вести +
  • Жена
Ова се сите неработни денови за новогодишните и божикните празници во 2023 година

Со доаѓањето на крајот на старата 2022 година, многумина се прашуваат кои се неработните денови кои следат во декември и јануари со цел да си го испланираат слободното и празнично… Прочитај повеќе

Зеленски: Не му дозволуваме на непријателот да ги исполни своите намери, Русија бележи големи загуби

Украинскиот претседател Володимир Зеленски (Зеленски) зборуваше во ново видео обраќање во кое изјави дека ситуацијата на фронтот е многу тешка. – И покрај екстремно големите руски загуби, окупаторите се обидуваат… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе