Денес екипите на ЈП “Улици и патишта” – Скопје по налог на Град Скопје на улицата Бутелска ги поставија новите светлосни сообраќајни знаци на пешачките премини во близина на мултинаменското спортско игралиште.
Новите светлосни сообраќајни знаци се поставени на портални и обични семафорски столбови од двете страни на улицата, со цел за поголема видливост на пешачките премини, како и за зголемување на безбедноста на пешаците.
