Заради деструктивноста на Христијан Мицкоски и ВМРО-ДПМНЕ државата, граѓаните останаа без 100 милиони евра помош во време на криза, велат од владејачката СДСМ.
„Европската банка за обнова и развој го сопре заемот што требаше да го земе Македонија за справување со енергетската криза во вредност од 100 милиони евра. Причина за сопирањето е блокадата на законот за таа намена, од страна на ВМРО-ДПМНЕ. Додека Мицкоски и ВМРО-ДПМНЕ блокираат и опструираат, СДСМ предводена од претседателот Димитар Ковачевски обезбеди 80 милиони од ЕУ дирекна поддршка за енергетската криза“, се додава во нивното соопштение.
Истовремено, како што велат, обезбедени се и 100 милиони долари од САД за Армијата, 530 милиони евра од ММФ, 50 милиони од Ерсте, 250 милиони од Дојче Банк.
Ова, како што појаснуваат, се средства за справување со енергетската криза и за поддршка, за антикризните мерки за ранливите и компаниите.
„Разликата е јасна, СДСМ помага и се грижи за граѓаните, а ВМРО-ДПМНЕ не само што не помага, туку во време на криза и одмага на државата и на граѓаните“, додаваат од партијата на власт.
