Јавното Сообраќајно Претпријатие денеска за прв пат ги остави скопјани без јавен превоз.
Вработените во ЈСП штрајкуваат поради задоцнети плати.
– Иако законскиот рок за исплата на платите е до 15 текот на месецот, дел од менаџментот на ЈСП одлучи дека треба со манипулации и подбуцнување на дел од вработените да го остави градот без јавен превоз со образложение дека се доцни со исплата на плати, порачаа од Град Скопје.
За настаните реагираше и СДСМ:
– Иако од буџетот на Град Скопје оваа година за ЈСП се наменети 8,6 милиони евра, долгот на ЈСП е драстично зголемен. Направен е долг од 1 милион евра за една година. Дали шпицниот градоначалник Мицкоски и неговата некогашна штитеничка Арсовска ги ставиле рацете во медот и во ЈСП?
Граѓаните пак гневни, велат дека ова е срамота што се случува со главниот град. Многумина се жалат дека не успеале да стигнат на работа на време, а некои велат и дека дополнително е зголемен метежот.
– Такси нема ни за лек, а низ улиците е хаос, велат граѓаните.
Дали Скопје всушност пропадна? – прашуваат твитерџиите.
ПОПУЛАРНО НА ИНТЕРНЕТ...
