Дали и вие ги поврзувате лузните со храброст и сила?
Понекогаш е тешко да се одреди што е тоа што нè привлекува кај другите луѓе. Тоа може да биде нивната смисла за хумор, нивната самодоверба или нивниот физички изглед.
Поточно, кога станува збор за лицето на една личност, жените ги привлекуваат одредени работи, вклучително и лузните, покажува едно истражување.
Во западните култури, се претпоставуваше дека лузните се непривлечни за другите луѓе, додека во другите култури, тие се сметаа за знак на зрелост и храброст. Меѓутоа, во една неодамнешна студија, научниците откриле дека жените сакаат лузни на машкото лице бидејќи ги поврзуваат со силата.
Идејата е дека мажите кои имаат лузни изгледаат помажествено од мажите со мазна кожа. Сепак, се чини дека мажите со „груб изглед“ биле само накратко популарни, додека оние без лузни се сметале за погрижливи и понежни и за подобар „материјал“ за брак.
Лузните, како слика на лоши момци, станаа познати преку сериите и филмовите, кои ја пренесоа сликата на храбри мажи кои ги привлекуваат жените со својот изглед и однесување.
ПОПУЛАРНО НА ИНТЕРНЕТ...
