Извештајот на Европската комисија покажува дека Владата не е фокусирана на реформи, туку на криминал и корупција. Впрочем, извештајот покажува дека во 35 поглавја не само што нема напредок туку нотирано е назадување, соопшти ВМРО-ДПМНЕ.
„Европската комисија забележува за нејасни економски мерки и потези, суштински реформи во администрацијата, потреба од зајакнување на капацитетот за парламентарен надзор над разузнавачките служби, злоупотребата на европското знаменце и ограничувањето на т.н. институт за пратенички прашања во Собранието, истите препораки за борба против корупција
Владата дури не ги зела предвид ниту нотираните забелешки од извештаите од 2020 и 2021 година. Тоа ја покажува целата непосветеност и неодговорност на власта на Ковачевски.
Во 6-те клучни кластери Македонија нема подобра оценка од претходните години во НИТУ ЕДЕН од нив. Ова покажува дека оваа власт, предводена од дезертерот Ковачевски, единствено е ангажирана во креирање картели, местење тендери и делење државни бизниси на свои блиски фирми. На тој начин тие лично се богатат, а перспективата на граѓаните ја уништуваат. За доброто на Македонија и на народот, оваа власт треба што побргу да си замине“, додаваат од опозициската партија.
