19.8 C
Скопје
28. септември 2022
Centar.mk – Вести, бизнис, забава, спорт…
Македонија

Џафери-Дир: Потребни се заеднички напори за хуманитарен одговор во Украина

Претседателот на Собранието Талат Џафери, оствари средба со новоименуваната амбасадорка на Украина во Република Северна Македонија, Лариса Дир.

Џафери ѝ посака на амбасадорката Дир успешно извршување на дипломатската мисија во земјава, нагласувајќи ја нашата цврста и недвосмислена поддршка на суверенитетот и територијалниот интегритет на Украина во меѓународно признатите граници, како и подготвеноста за натамошна политичка, економска, хуманитарна и безбедносна поддршка во соочувањето со предизвиците.

Тој оцени дека назначувањето на нова амбасадорка на Украина во Македонија веднаш по завршувањето на мандатот на претходната амбасадорка е потврда за одличните билатерални односи меѓу две земји. Нагласувајќи ја плодната меѓупарламентарна соработка, Џафери посочи дека парламентарните групи за соработка на Собранието на Република Северна Македонија и Врховната Рада на Украина редовно остваруваат комуникација. Тој се осврна на неговата посета на Украина во април годинава и нагласи дека е охрабрувачки што украинските институции успешно функционираат во овие тешки времиња за украинската и европската безбедност. Истовремено, оцени дека се потребни заеднички напори за хуманитарен одговор, а злосторствата врз цивилното население мора да бидат истражувани и сторителите мора да одговараат.

Амбасадорката Дир информираше за состојбата во Украина по воената агресија од Руската Федерација и се заблагодари за поддршката од Собранието на Република Северна Македонија уште на самиот почеток на војната. Таа особено ги нагласи усвојувањето на Декларацијата за Украина и посетата на претседателот Џафери, како еден од првите високи претставници што ја посетил Украина по руската агресија. Нагласи дека Украина високо ја цени помошта и поддршката од Северна Македонија во сите сфери, вклучително поддршката за Меѓународната платформа за Крим. Таа информираше дека на претстојниот Прв парламентарен самит на Меѓународната платформа за Крим, што ќе се одржи следниот месец во Загреб, ќе биде инаугурирана парламентарната димензија на оваа Платформа.

Соговорниците изразија уверување дека плодната и успешна соработка меѓу Собранието на Република Македонија и Амбасадата на Украина ќе продолжи да се развива со уште поголем интензитет во иднина.

Можеби ќе ве интересира

Британско Министерство за одбрана : Путин за неколку дена ќе објави анексија на окупираните делови на Украина

M T

Зеленски: Целта на Украина е непроменета и покрај најавите од Русија

M T

СО SPORT LIFE до стан во Скопје!

M T

Масовна гробница со околу 440 тела е пронајдена на истокот на Украина

M T

Во Украина загина 29-годишен хуманитарец од Загреб

M T

Германски министер за економија: На Украина ѝ се потребни 350 милијарди долари за реконструкција

M T