11.8 C
Скопје
7. октомври 2022
Centar.mk – Вести, бизнис, забава, спорт…
БизнисТОП ВЕСТИ

Доларот ослабна, цената на нафтата падна

На девизниот пазар вредноста на доларот во однос на кошничката валути продолжи да се лизга, откако минатата недела падна за првпат по три недели раст.

Индексот на доларот кој ја покажува вредноста на американскиот долар во однос на другите шест најважни светски валути се движи околу 108,82 поени, додека во петокот вечерта изнесуваше 108,96 поени.

Истовремено, курсот на доларот во однос на јапонската валута порасна од 142,50 на 142,75 јени.

Сепак, американската валута ослабе во однос на европската, па цената на еврото достигна 1,0085 долари, додека во петокот вечерта беше 1,0045 долари.

Оддалечувањето на еврото од најниското ниво во последните 20 години следеше откако Европската централна банка во четвртокот ги зголеми клучните каматни стапки за агресивни 0,75 процентни поени.

Цените на нафтата, пак, паднаа по силниот скок во петокот. Утрово цената на барелот на лондонскиот пазар се лизна за 1,3 долари, на 91,55 долари, додека на американскиот пазар барелот поевтини за 1,28 долари, на 85,50 долари.

Цените на акциите пораснаа на азиските берзи, но обемот на тргување беше значително помал од вообичаеното бидејќи неколку земји се затворени поради празници.

Можеби ќе ве интересира

Мангер: Доларот ќе стане безвреден, на светот му се заканува целосен колапс

M T

Цените на нафтата паднаа под 94 долари

M T

Доларот падна втор ден по ред, падна и цената на нафтата

M T

Рама: Блиску сме до откривање гас и нафта во Албанија

M T

Цената на нафтата од утринава е во пораст, вредноста на барел е 116 долари

M T

Путин до Западот: Со години нема да можете без руска нафта и гас

M T