Постојат бројни начини на кои хакерите и измамниците се обидуваат да добијат информации за корисничките имиња и лозинки и да ги користат за разни измами, уцени и слично.
Неодамна, предупредуваат експертите за безбедност, корисниците на Инстаграм се на мета на прилично лукава измама.
Имено, измамниците им испраќаат мејлови кои се чини дека се од тимот на Инстаграм и ги известуваат дека нивните профили се избрани за проверка. Е-поштата доаѓа од адресата „ig-badges“, додека нејзиниот наслов содржи „ig badges info“, а за пораката да биде што поубедлива, на врвот и на дното на мејлот има логоа на Facebook и Instagram.
Во е-поштата има и линк до веб-локација на која треба да кликнете и да ги внесете вашите информации за да пристапите на Instagram на таа страница. Секако, се работи за лажна страница и со внесување на вашето корисничко име и лозинка за пристап до Instagram, тие информации ги предавате на хакери и измамници. Тие можат да ги користат за да се обидат да пристапат до вашата сметка или да се обидат да пристапат до други услуги, социјални мрежи, е-пошта и слично.
Иако на многу луѓе ваквите пораки за фишинг им се сомнителни и се претпазливи и не отвораат линкови, сепак мал дел од корисниците се навлекуваат на нив и ги даваат своите информации на измамниците и подоцна се каат.
Инстаграм вели дека процесот на верификација никогаш не оди преку е-пошта, туку само преку апликацијата. Исто така, според Центарот за помош на мрежата, за Инстаграм да потврди нечиј профил, таа личност мора да биде јавна или позната или да биде бренд.
НАЈЧИТАНО НА ИНТЕРНЕТ...
