20.8 C
Скопје
28. март 2024
Centar.mk – Вести, бизнис, забава, спорт…
БИЗНИС

Ковачевски за „Политика” : Регионот заедно ќе ја преброди зимата, да нема недостаток на храна и енергенси

Премиерот Димитар Ковачевски во интервјуто за српскиот весник „Политика“ истакна дека во рамки на Отворен Балкан веќе се преземаат иницијативи за економско-енергетската криза, како последица на Ковидот и воената агресија врз Украина.

„Ние веќе разговаравме интензивно на минатиот Самит на овие теми, а минатиот месец во Тирана имаа состанок и работните групи на нашите Влади. На Самитот кој ќе се одржи тука во Белград, ние како Влади но и ресорните министерства ќе имаат интензивни разговори за изнаоѓање конкретни начини за обезбедување доволно храна и енергенси со кои би ја пребродиле најтешката зима од Втората Светска Војна наваму. Ќе се посвети особено внимание на тоа регионот во секое време да има обезбедено храна и енергенси и да се обезбеди непречен проток во снабдувањето со основните прехранбени производи, односно да се реагира брзо и соодветно доколку се појави некое нарушување во синџирите на снабдување. Во досега воспоставените механизми и потпишани меморандуми за соработка ние практично се обврзавме да си помогнеме во наредниот период кој очекувано ќе биде сериозно тежок. Но тоа секако не е непозната категорија. Ние си помагавме и во услови на ковид пандемијата. Да заклучам, ние интензивно ќе работиме за да нема недостаток на храна и енергенси, но новата геополитичка реалност упатува на внимателност. Ќе имаме зима полна предизвици. Но, како и досега, како добри комшии, ќе си помагаме“, рече Ковачевски.

Ковачевски подвлече дека мора заеднички да изградиме силна и конкурентна регионална економија.

„Одливот на мозоци и постојаното иселување најчесто заради економски причини е навистина тема која е во фокус, но со вакви иницијативи се работи на тоа да им се овозможи на граѓаните, особено на младите луѓе, да си ја градат иднината тука, дома, во регионот. Со Отворен Балкан и сите активности кои произлегуваат од него, ние сме чекор поблиску до европски плати, европски квалитет на живот, енергична економија и владеење на правото, сега, тука, дома“, рече Ковачевски.

Спонзорирано:

Можеби ќе ве интересира

Шолц: Благодарение на мерките, имаме добри шанси да ја пребродиме зимата

M T

„Гаспром“ со видео порака до Европа: „Зимата ќе биде долга и темна“

M T

Ковачевски за „Политика“: Развиен регион интегриран во ЕУ се наши стратешки приоритети

M T

Зеленски: Следната зима ќе биде многу тешка за Украинците

M T

Oсмани во посета на БиХ, војната во Украина и нејзиното влијание врз регионот меѓу главните теми

M T

Зима во април: Снег во Црна Гора

M T