Ајварот, слаткото, киселите краставички и сите други специјалитети во кои уживаме во текот на зимата ги чуваме најмногу во стаклени тегли.
Без разлика дали чувате стари тегли или користите купени од продавница, на нив има различни етикети кои понекогаш е невозможно да се отстранат.
Доколку и вас ве нервира што никогаш не можете целосно да ги отстраните без да оставите траги од лепак, имаме едноставен трик кој ќе ви ја олесни оваа работа.
Состојки:
сода бикарбона
масло
Подготовка:
Сè што треба да направите е да измешате еднакви делови од сода бикарбона и масло за да направите паста, околу половина чаша. После тоа, нанесете ја пастата на секоја тегла од која претходно сте ги извадиле етикетите и остануваат траги од лепак. Оставете го така околу 10 минути, а потоа едноставно отстранете ја пастата со влажна крпа, која исто така ќе го отстрани лепилото. После тоа, добро измијте ги теглите со топла вода и детергент и тие се спремни за зимско складирање.
