Остатоците обично се чуваат во фрижидер за да не се расипуваат брзо, но со некои работи треба да се внимава. Имено, не треба да ставате топла храна во фрижидер бидејќи тоа би ја зголемило внатрешната температура и може да доведе до потенцијални здравствени ризици за другата храна во фрижидерот.
Во случај да чувате топла храна во фрижидер, компресорот на апаратот мора да работи понапорно за да ја одржи внатрешната температура на посакуваното ниво.
Во овој случај, воздухот во уредот станува потопол, а поради конвекцијата, топлината се движи од место со повисока температура до место со пониска температура.
Дополнително, кога ставаме топли работи во фрижидер, температурната разлика помеѓу двата системи предизвикува кондензација. Капките може да завршат на задниот ѕид од фрижидерот и храната што ја допираат може да се замрзне. Кондензацијата значи и влага во фрижидерот, која не се препорачува за чување храна.
Поради сите овие процеси, никогаш не ставајте топла храна во фрижидер, туку прво оставете ја да се излади.
Американскиот центар за контрола и превенција на болести наведува во своите упатства за безбедност и заштита на храната дека храната треба да ја чувате надвор не повеќе од два часа по готвењето, а потоа можете да ја чувате во фрижидер.
Ако ја оставите храната повеќе од два часа на собна температура, бактериите може да растат и да се развијат, а во екстремни случаи тоа може да доведе до труење со храна.
