Усвоени се и преговарачките рамки за Северна Македонија и за Албанија
Советот на Европската Унија одлучи да ги започне пристапните преговори со Скопје и со Тирана, објави на Твитер чешкиот премиер, Петр Фиала, чија земја претседава со оваа институција до крајот на годината.
Тој го оценува ова како важен чекор во приближувањето на Западен Балкан кон ЕУ. „Ова е голем успех за нашето претседателството“, додава Фиала.
Усвоени се и преговарачките рамки за Северна Македонија и за Албанија.
Чешкиот премиер вели дека утре во Брисел ќе се сретне со лидерите на двете земји за да разговараат за следните фази на патот кон Унијата.
Претходно денеска Европската комисија соопшти дека утре претпладне се планира заедничка изјава на претседателката на Комисијата, Урсула фон дер Лајен, премиерот Фиала и неговите колеги од Албанија, Еди Рама и од Северна Македонија, Димитар Ковачевски.
Се очекува почетокот на преговорите да биде официјализиран со првите меѓувладини конференции во текот на денешниот ден.
ПОПУЛАРНО НА ИНТЕРНЕТ...
