Стотина граѓани ги продолжија протестите пред Собранието

Пред Собранието денеска повторно се собрани граѓани кои протестираат против прифаќањето на францускиот предлог.

Во Собранието, пак, втор ден во тек е расправата за Информацијата за содржината на Предлог-преговарачката рамка за започнување на пристапните преговори на земјава со Европската Унија.

Пред и околу собраниската зграда присутно е полициско обезбедување, а улицата пред Собранието е затворена за сообраќај.