Centar.mk – Вести, бизнис, забава, спорт…
CentarАвтоЦентар

Кои автомобили најмногу се расипуваат?

Германскиот авто клуб (ADAC), како и секоја година, во април 2022 година ја објави статистиката на Службата за помош на пат, односно интервенциите извршени минатата година на автомобили стари од 3 до 10 години. Како и досега, најчести интервенции во 2022 година беа оние поврзани со акумулаторите.

Во текот на 2021 година, акумулаторот бил проблем во 46,2 отсто од случаите од вкупно 3,49 милиони дефекти. Една година претходно, уделот на дефекти на акумулаторите беше 46,3 отсто, што е значително зголемување во однос на 2019 година од 41,8 отсто. Причината е пандемијата на коронавирус. Како резултат на тоа, автомобилите се користеа помалку, што повеќе го слабее акумулаторот отколку честото возење.

Тешко е да се одговори зошто проблемите со акумулаторот не се решаваат со напредокот на технологијата. Може да има многу причини за дефекти, а некои се вина на самите возачи. Ги оставате светлата вклучени, не го затворате капакот на багажникот правилно, возите само на кратки релации – во овие случаи вината е на сопственикот на автомобилот.

Од друга страна, дефектите на производот, лошиот квалитет и неправилното управување со електричниот систем на возилото може да доведат до проблеми со акумулаторот и се одговорност на производителот.

Причината за дефектот често зависи од староста на возилото. Поновите возила генерално имаат помалку дефекти и со тоа помалку проблеми со акумулаторот. Кога возилото е старо седум години, се зголемува и чувствителноста на откажување на акумулаторот. Тоа најчесто се случува кога ќе дојде до крајот на работниот век.

Вкупно 132 модели на возила се проценети во статистиката за дефекти на ADAC за 2021 година. Основата беа сите дефекти во текот на 2021 година што ги погодија возилата стари од 3 до 10 години (прва регистрација 2012 до 2019 година) и дека кај овие модели биле регистрирани најмалку 10.000 пати, барем во една од годините на следење. Моделите со помал примерок не се оценуваат.

Причините како празен резервоар за гориво или дефекти на гумите не се земаат предвид во индексот на доверливост ADAC.

Кои се типичните проблеми?

Проблемите со пумпата за гориво, на пример, статистички се појавуваат дури по 10 години старост кај возилата, а потоа стануваат се почести. Проблемите со алтернаторот се зголемуваат после четири години.

Сензорот на коленестото вратило посериозно се влошува од 2010 година, па кога автомобилите ќе наполнат 12 години, тие не се во оваа статистика. Во случај на свеќички, посериозни дефекти се случуваат релативно рано (прва регистрација 2013/2014).

Проблемите со рециркулацијата на издувните гасови беа почести помеѓу 2007 и 2013 година.

Воглавно, покрај акумулаторите, возачите ќе бараат помош на патот поради дефект на моторот или управување со моторот (15,5 проценти), проблеми со каросеријата, воланот, сопирачките или менувачот (14,8 проценти), електрониката (10,3 проценти) гуми (7 проценти), систем за пумпа за гориво (3,1 проценти)…

Како најсигурни во опсегот од 3 до 10 години старост се покажаа Toyota Aygo, Audi A1, Renault Captur, Mini, Suzuki Vitara (од 2019 до 2016 година), Audi Q3, BMW 1 Series, BMW X1, Audi A4, Audi A5, Audi Q5, BMW Серија 3, BMW Серија 3 Купе, BMW X3, Audi A6 и BMW Серија 5.

Да споменеме некои други возила, Dacia Sandero добиваше многу добри оценки во сите години (што е исто така голем успех), Volkswagen Polo е исто така многу добар, а дури во 2012 година доби оценка под многу добро.

Dacia Duster има претежно добри оценки, а во 2013 година оценката е одлична. Mercedes-Benz B-Class е многу добар во сите возрасти. Mitsubishi ASX е исто така одличен и многу добар.

Seat Leon е многу добар во сите возрасти. Volkswagen Golf е многу добар, освен во 2012 година кога беше – добар.

Kia Ceed се движи од лош рејтинг (2012) до многу добар рејтинг (2019). Mazda CX-5 е многу добра, освен во 2013 кога е добра.

Škoda Octavia е многу добра, освен во 2013 и 2012 година кога доби една оцена пониска, односно добра.

Модели кои не се прославија, односно немаат спектакуларни резултати се Smart Forfour, Hyundai i20, Renault Clio, Toyota CH-R, Toyota Corolla, Ford S-Max, Opel Insignia и Volkswagen Sharan.

Интересно, не ја гледаме Toyota често во овој дел, но ADAC забележа голем број проблеми со CH-R и Corolla батериите.

Можеби ќе ве интересира

Австрија планира да ги конфискува автомобилите од несовесните возачи

M T

Се влошува глобалниот недостиг од компјутерски чипови – се затвораат фабрики за автомобили

M T