Министерот за надворешни работи, Бујар Османи, денес, во рамките на работната посета на Јапонија се сретна и со престолонаследникот Акишино и принцезата Акишино.
Како што информираат од Министерството, Османи изразил задоволство од односите меѓу двете земји, особено во делот на културната соработка.
Тој го поздравил делото на Кензо Танге како точка на обединување и симбол на пријателството меѓу двете земји, како и годинешното доделување на наградата „Златен венец“ на јапонскиот поет Шунтаро Таникава во рамките на Струшките вечери на поезијата.
Потоа Османи остварил средба со претседателот на Парламентарната група за соработка меѓу Северна Македонија и Јапонија, Шинџи Иноуе, и други членови на групата.
На средбата станало збор за теми од билатералните односи меѓу двете земји, можностите за унапредување на соработката особено во делот на економијата и бизнисот, современите безбедносни предизвици и нивното влијание врз европскиот континент и Индо-Пацификот.
ПОПУЛАРНО НА ИНТЕРНЕТ...
