Конечно се раздвиживте, но после тренинг страдате од воспаление на мускулите?! Еве како да ја ублажите оваа негативна „последица“ од активниот живот.
Колку што е важно да се загреете пред тренинг, исто толку важно е да се фокусирате на ладење на вашите мускули после тренинг. Бавното дишење и отчукувањата на срцето треба да се вратат во нормала, а фитнес експертите објаснуваат четири начини на кои можете да го ублажите воспалението на мускулите после тренинг.
Фитнес ентузијастите ќе препорачаат една од овие четири работи; масажа, правилна исхрана, активно ладење и правилна хидратација.
Масажа
Според истражувањата, масажата има голем број на долготрајни позитивни ефекти и може да ги намали воспалителните процеси кои го забавуваат процесот на закрепнување.
Правилна исхрана
Протеините се потребни за опоравување и обновување на мускулите, јаглехидратите се гориво за тренинг, а здравите масти се користат за загревање на зглобовите. Затоа, многу е важно да се јаде урамнотежена исхрана пред и после тренинг.
Активно ладење
Треба да се загреете пред тренинг и да дозволите вашите мускули да се оладат после тренинг. Ова го враќа дишењето и отчукувањата на срцето во нормала. Наместо само да лежите, нека биде активно ладење, како истегнување. На овој начин одржувате здрава циркулација и го ублажувате воспалението на мускулите.
Пијте многу вода
Водата е клучна за обновување на мускулите. Одржува здрава циркулација на материи низ телото, ги намалува воспалителните процеси, помага во исфрлањето на штетните материи и доставува хранливи материи до мускулите. Доколку не пиете доволно вода, воспалението не само што ќе биде поболно, туку и ќе трае подолго.
