Соопштение на СДСМ:
Неуспешен е обидот на ВМРО-ДПМНЕ да ги оправда деструкциите во македонското Собрание кои се на штета на граѓаните и на државата.
Со што сака да се пофали ВМРО-ДПМНЕ? Дека два дена се потрошија на утврдување на дневен ред? Дека дискутирале пратениците од оваа партија цел ден за една точка да биде на 7 наместо на 8 место на дневен ред?
Што е следно? ВМРО-ДПМНЕ да каже дека 2.5000 амандни за блокада на законот за служба во АРМ значи дека пратениците многу работеле?
Па токму тоа е она што не треба да го прават, не е тоа работа за граѓаните. Не ги плаќаат граѓаните за одолговлекувања, бесмислени реплики и штанцање илјадници амандмани за блокада на законите. Напротив.
55.000 евра ги чинат граѓаните месечно пратениците на ВМРО-ДПМНЕ и тие треба да ги заработаат со посветност на интересот на граѓаните, на усвојување на законите, на ефикасност во работата а не на блокади на Собрание.
Во време на криза граѓаните бараат и очекуваат ефикасна работа на Собранието а не одолговлекувања, бесмислени реплики и шанцање илјадници амандмани за блокада на некој закон.
Два дена потрошија пратениците на ВМРО-ДПМНЕ за еден дневен ред но нивната блокада не успеа, седницата продолжува, дневниот ред е усвоен.
Неуспешна е блокадата исто како што е неуспешен и обидот на ВМРО-ДПМНЕ да ги оправда деструкциите.
ПОПУЛАРНО НА ИНТЕРНЕТ...
