Иако од опозициската ВМРО-ДПМНЕ негодуваа и сугерираа дека Вселенскиот патријарх г.г. Вартоломеј нема да ја признае МПЦ, поради експремиерот Заев и СДСМ, сепак токму Владата на СДСМ беше таа која избори признавање и решавање на децениското прашање на МПЦ-ОА.
Вчера Синодот на Вселенската патријаршија ја тргна шизмата и одлучи да воспостави канонско и евхаристичко општење во македонските владици, свештениците и со народот, што е резултат по неуморната работа и напорите на Владата за изборување на црковна слобода и независност.
Уште во 2018 година, тогашниот премиер Зоран Заев испрати писмо до г.г. Вартоломеј повикувајќи на решавање на долгогодишното црковно прашање на земјата. Две години подоцна, премиерот Заев и министерот Оливер Спасовски остварија и средба со вселенскиот патријарх каде што беше изразена надеж дека во духот на толеранцијата и разбирањето, ќе продолжи да поттикнува дијалог за изнаоѓање решенија за сите прашања со кои се соочува православниот свет и верниците.
Барање за црковно ослободување во рамките на границите на земјата и нашите архиреи да сослужуваат со архиреите на сите православни цркви беше упатено и во септември 2020 година, при што се истакна дека православниот народ во Северна Македонија заслужува црковна независност.
Писмо до Вартоломеј испрати и премиерот Димитар Ковачевски веднаш по стапувањето на функција, после кое писмо доаѓа и одговорот и признавањето на МПЦ-ОА. Ковачевски има оставрено средба со Вартоломеј пред четири години, што само покажува дека пристапот кон решавање на ова прашање од страна на Владата е сериозен и стратешки и започнал веднаш по доаѓањето на власт.
Со ваквиот чин и признавањето на македонската црква, Владата на СДСМ покажа дека освен што се грижи за општествените и економските прашања во земјата, секгоаш е тука да ги заштити и унапреди правата и на верниците.
