„Мора системот да преземе низа на мерки за да не се повторуваат случаите со користењето на лажни лиценци или работењето без лиценци. Системот треба да се консолидира, а тоа најдобро ќе се постигне со дигитализацијата и исклучувањето на човечкиот фактор“ рече министерот за внатрешни работи Оливер Спасовски во „Анализа“ на ТВ24.
Тој додаде дека секаде во светот каде што има дигитализација и се намалува влијанието на човечкиот фактор, резултатите се забележителни.
„Треба да се гради систем кој е ефикасен во спречувањето и борбата со корупцијата, за да се преземаат брзи мерки и да бидат казнувани сторителите“ рече Спасовски.
Министерот рече дека МВР за 50 отсто ја зголеми ефикасноста, односно откривачката дејност против корупцијата и ги повика граѓаните да се охрабрат и да го пријавуваат секој оној кој бара мито, поткуп или се бави со корупција.
