„Ние сме прогласени за земја непријател од Русија со што сме на мета на сајбер напади, но такви напади ние имаме откако почнавме со пристапниот процес во НАТО. Имаше многу напади, дури и во последниот месец“ изјави министерот за внатрешни работи, Оливер Спасовски во „Клик плус“ на ТВ21.
Тој додаде дека најважно е што државните институции изградија механизми кои ни создаваат отпорност од вакви напади и дека државата успешно ги гради капацитетите.
„Најголемиот предизвик во сајбер безбедноста се човечките ресурси, но ние имаме навистина добри експерти во делот на компјутерск икриминал и компјутерска форензика. Тие капацитети ги зголемуваме со подобрување на условите за работа“ рече Спасовски.
Министерот додаде дека сајбер напади имало и за време на одржувањето на пописот, но МВР и Телеком успешно ги одбиле и ниту еден од тие напади не направил посериозен проблем и не уништил податоци.
ПОПУЛАРНО НА ИНТЕРНЕТ...
