„Ве молам претставувајте ги работниците и дојдете седнете, вратете се на маса. Улицата не е решение, дојдете преговарајте и бидете солидарни“ изјави вицепремиерот за економски прашања, Фатмир Битиќи во дебатата со синдикатите на ТВ24.
Тој додаде дека решение единствено може да се постигне преку дијалог на економско-социјалниот совет.
„Тенденција на раст на платите има во сите сектори. Ние не бегаме од покачувањата. Во период на воена криза, енергетска криза и економска криза, Владата не вели дека усогласувањето на платите нема да се случи, токму затоа и носиме мерки, за доброто на граѓаните“ рече Битиќи.
Тој додаде дека преку дијалог и преговори може да се дојде до решението за усогласување на платите со минималната плата, без разлика дали тоа ќе биде линерано зголемување или нешто друго.
ПОПУЛАРНО НА ИНТЕРНЕТ...
