Владата се подготвува утре да објави две значајни мерки за ублажување на ценовните шокови, а во игра е укинување на дел од акцизата за нафтените деривати, како и укинување на ДДВ за одредени прехранбени производи, објави вечерва телевизија Телма во емисијата „Топ тема“.
Намалувањето на акцизата за горивата, како што неофицијално објави телевизијата, би било до 30 отсто, иако се разгледувале и сценарија за намалување за 10% или 20%.
Втората мерка, пак, ќе се однесува на укинување на данокот на додадена вредност (ДДВ) за конкретна ограничена листа на прехранбени продукти, како и за струјата и за парното.
