„ВМРО-ДПМНЕ прави се, на било кој начин, да ја злоупотреби својата позиција и да го злоупотреби Деловникот за да прикаже дека власта е неспособна и дека Собранието е нефункционално“ рече пратеничката од СДСМ, Снежана Калеска Ванчева во емисијата „Топ тема“ на Телма.
Таа додаде дека причината за блокирањето на Собранието и нефункционирањето на Комисијата за избори и именувања е тоа што опозицијата го прави Собранието нефункциониално.
„Деловникот има одредени работи кои треба да ги додефинира, токму затоа постои и процесот Жан Моне. Но и за тој процес опозицијата нема многу интерес да се заврши. Во минатиот пратеничи состав имаше интерес, но денес нема“ рече Калеска-Ванчева.
Пратеничката од СДСМ кажа дека опозицијата освен Комисијата за избори и именувања блокира уште десетици закони со безброј процедурални забелешки или амандмани.
„Не е тука проблем Деловникот, туку опозицијата која ги кочи заокните. Тоа е злоупотреба на Деловникот“ рече Калеска-Ванчева.
ПОПУЛАРНО НА ИНТЕРНЕТ...
