Грковска за Топ Тема: Преку конкретен механизам ќе ги обврземе институциите да постапуваат по забелешките на ревизорите

Работиме на механизам кој ќе ги следи заклучоците на Државниот завод за ревизија со цел да обезбедиме систем кој ќе овозможи постапување по забелешките на ревизорите, порача вице-премиерката на Владата задолжена за политики за добро владеење, Славица Грковска, во вечерашното гостување на Топ Тема.

„ Не сум приврзаник на брзи решенија, тоа мора да биде системски, долгорочно и добро промислено решение. Целта е да воспоставиме механизам со кој ќе ги натераме институциите да бидат одговорни и брзо да реагираат на укажувањата на ДЗР, а од друга страна да го заштитиме интересот на државата. Одговорност мора да има. Сите ние носиме одговорност за местата на кои што сме вработени. Ако се види дека тој систем на одговорност функционира, јас сум убедена дека системот на ефикасност ќе биде подобар“, нагласи Грковска.