Во одговор на новинарско прашање денеска премиерот Димитар Ковачевски најави дека Владата работи на дополнително покачување на пензиите во рамки на финансиски пакет за оваа година.
„Јас веќе најавив во експозето при изборот на новата Влада неколку економски политики кои ги сметам за клучни во однос на справувањето на економската криза произлезена од здравствената криза. Пензиите беа една од тие политики и ние веќе работиме на анализи кои ќе бидат презентирани на дијалог во кој ќе учествуваат здруженијата на пензионерите и други заинтересирани страни секако и институциите на Владата.“ рече Ковачевски.
Според информациите на нашиот медиум се прават пресметки за дополнитлено зголемување на пензиите за 320.000 пензионери, односно финансиски пакет за оваа година, како поддршка во енергетска и здравствена криза.
СДСМ веќе ја реализираше поддршката за ранливите категории на пензионери, но според извори од партијата, пензионерите се категорија која била силно финансиски погодена од пандемијата како и од економската криза па затоа се подготвува пакет финансиска поддршка за нив.
