Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, денес 11.01.2022 година регистрира земјотрес чиj епицентар се наоѓа 120 km јужно од Скопје во соседна Република Грција во пограничното епицентрално подрачје Битола – Лерин.
Земјотресот се случи во 16 часот и 14 минути, со локална Рихтерова магнитуда ML4,5. Според досегашните податоци, земјотресот е најсилно почуствуван во градот Битола и околината со интензитет од V степени според Европската макросеизмичка скала.
