Граѓаните кои се приклучени на системот на АД ЕСМ, подружица „Енергетика”, имаат парно греење. Од компанијата тврдат дека испораката на топлинска енергија е континуирана и се врши согласно мрежните правила.
„Од страна на Управниот одбор на АД ЕСМ, раководството на „Енергетика” и експертски тимови се следи состојбата со енергенсите на светско и домашно ниво, со оглед на вртоглавиот раст на цената на природниот гас, кој се користи како основен енергенс во производството на топлинска и електрична енергија во ‘Енергетика’ и истиот е навремено обезбеден“, велат од ЕСМ – Енергетика.
Преку овој систем за затоплување со парно греење се снабдуваат околу 3.500 домаќинства, 17 основни и средни училишта и детски градинки и 75 деловни субјекти во скопските населби Железара, Автокоманда, Триангла, Маџари и Хиподром.
Дежурни екипи се на располагање 24 часа за време на грејната сезона, како и служба за корисници и пријава дефекти со контакт 02/3104 816 и 071/313-405, информираат од компанијата.
